Geimverur eru vísindaskáldskapur...

og ekkert annað en draugar 21.aldarinnar. Stöku sinnum segist einhver sjá draug (geimveru) en á þó í mesta basli við að sanna tilveru hans. Annars tel ég þetta vera lítið annað en athyglissýki og auðveld leið til að afla sér "15 mínútna frægðina". Talsmaður kirkjunnar fer þessa dapurleiðu leið til að upphefja vinsældir kirkjunnar sem hafa farið dvínandi síðan upplýsingaröldin hóf upp raust sína. Ég segi látum guð dæma, trúvillingar sem trúa á ET munu sjá eftir því í logum helvítis. Ég mun hinsvegar brumma sæll og glaður í snjóhvítum skýjum á jeppanum.

Það er aðeins líf á jörðu. Sumir segja líkurnar yfirgnæfandi, trilljarðar plánetna í kringum milljarða stjarna, einhver þeirra hljóti að bera líf. Mér finnst það jafn ólíklegt og þeir sem segja að fyrstu blaðsíður bókar Ezekyels í bíblíunni sé einhverskonar frásögn af vitsmunaverum frá öðrum heimum sem færðu okkur þekkingu. Hvurslags vitleysa að telja að yfirnáttúrulegar verur fornra tíma gætu verið "geimverur".

Ég hef lokið máli mínu, ET trúvillingar eru kjánar sem munu vera dæmdir til hreinsunar í vítiseldum.

Vatíkanið segir ekki hægt að útiloka líf á öðrum hnöttum

Athugasemdir

[Sigurður Árnason, 15.5.2008 kl. 04:10]

Hehehe Þessi var ansi góður:)

[Sunneva (IP-tala skráð) 15.5.2008 kl. 09:14]

Hahaha. Góður

[Gunnar Th (IP-tala skráð) 16.5.2008 kl. 22:05]

Nú virðist þú hafa skotið yfir markið því allt það unga og reiða fólk sem eys hér að neðan úr skálum reiði sinnar með tungutaki eins og -skiluru - geturu - skrifaru-  virðist ekki hafa neina skoðun á ET eða öðrum geimverum. Kannski vegna þess að ET og geimverur eru svo næntís og leikir með "solleis" eru ekki til fyrir Playstation eitt, tvö eða þrjú.

........mér finnst eiginlega vanta allt fjörið sem við hin erum vön.......

[Spekingur (IP-tala skráð) 17.5.2008 kl. 04:22]

Þarna ferðu með rangt mál. Víst eru til geimverur. Við, mannfólkið, erum geimverur. Verur sem búum í geimnum. Í ströngum skilningi á plánetu í geimnum. Einnig sendum við annað mannfólk í litlum málmhylkjum út í sjálft geimrýmið.  Það mannfólk er kannski meiri geimverur heldur en hitt mannfólkið. Hmm hmm.

[Áddni, 17.5.2008 kl. 10:19]

:) Þetta er svona álíka góð rök og að allir sjálfstæðismenn séu heiðarlegir :P