Helmingi dýrari eða tvöfalt dýrari?

Bæði dæmin sem eru gefin upp í þessari frétt eru í kringum 100%. Kannski er ég orðinn ryðgaður í stærðfræði en myndi það ekki teljast sem tvöföld hækkun en ekki helmings hækkun?

Verð sem hefur aukist um ca. 50% myndi teljast sem helmings hækkun.


mbl.is Sprenging varð í flugeldaverði
Tilkynna um óviðeigandi tengingu við frétt

Konur eru söluvara

Hér er verið að gefa í skyn að danskar konur séu hórur sem taki útlendinga með sér heim eftir hressilegt fyllerí og stundi með þeim einnar nætur gaman, jafnvel ali þeim börn. Ekki ósvipað og var gert á Íslandi fyrir ekki svo löngu síðan, þegar Icelandair auglýsti Ísland sem paradís fyrir þá sem stunda einnar nætur gaman. Konur eru söluvara, leg þeirra er dýrmætt.
mbl.is Blekkingum beitt á YouTube
Tilkynna um óviðeigandi tengingu við frétt

Nýríka unga kynslóðin kvartar og kveinar

Ég sé á ummælum margra bloggara yfir fimmtugt að þeir höfðu það sérstaklega slæmt á sínum yngri árum. Það er þeim mikilvægt að sanna fyrir ungu kynslóðinni sem hefur ekkert vit á peningum og fær sér nýjan laptop á mánaðarfresti. Hér er í lagi að alhæfa og beita fordómum gegn námsmönnum, því þeir eru ungir og vitlausir.

Ég get toppað alla, sérstaklega hinar eldri sveskjurnar sem gorta sig af erfiðum tímum. Þegar ég var ungur vaknaði ég klukkan 5 á morgnanna til að bera út moggann í 5 hverfi. Þetta tók mig um 3 klukkustundir og var ég á hjóli. Ég leigði 20 fermetra bílskúr og þar var enginn hiti, svo ég þurfti gjarnan að kveikja bál með mínum eigin peningum yfir vetrartímann, bara til að frjósa ekki í hel. Ég ræktaði mitt eigið grænmeti en var í stöðugu stríði við fugla og kanínur, sem vildu koma blóðþyrstum tönnum sínum yfir beðin mín, svo uppskeran nam oft varla meira en 15%.

Ég var ekki með neina sturtu svo ég þurfti að nota garðslönguna úti í garðinum, stundum var þetta ekki hægt því vatnið var frosið. Að lokum þurfti ég að selja líkama minn til háskólakennara fyrir gamlar námsbækur.

HALDIÐI AÐ ÞIÐ HAFIÐ HAFT ÞAÐ SLÆMT ANDSK! ÉG HEF HAFT ÞAÐ VERST OG ER MIKLU MUN MEIRA KARLMENNI FYRIR VIKIÐ ANDKS DJÖÖÖÖÖ FREKJA Í ÞESSU LIÐI HA?


mbl.is Háskólanám forréttindi ríkra
Tilkynna um óviðeigandi tengingu við frétt

Senda sjúkraflutningamenn í ökuskóla STRAX!!

Nú hef ég lent í svipuðum aðstæðum. Ég var að koma úr sundi á Selfossi með fjölskyldunni eftir góða útilegu og okkur seinkaði um 20 mín vegna þess að afgreiðslufólkið í lauginni gat ekki ANDSKOTAST til að vera fljót að finna handa okkur handklæði til leigu en þeim höfðum við gleymt á tjaldsvæðinu. Svo ég ÞURFTI að keyra á 120km hraða ef ég ætlaði að ná að horfa á Liverpool taka Manchester í gegn. Ég keyrði því framúr umferðinni á jeppanum en þurfti að sikksakka milli vinstri og hægri akreinar á tvíbreiða veginum því fólkið á vinstri akrein skilur ekki að hún er fyrir umferð sem er að taka framúr og var að dúlla sér á 110 km hraða HELVÍTIS FÍFLIN alltaf þessir Íslendingar ha?

Þetta var nú ekki heldur að fara vel með blóðþrýstinginn minn en ég er með háþrýsting svo ég skil ekki þetta tillitsleysi í fólki. Á að DREPA mann? Nú svo þegar ég er kominn til Reykjavíkur á skikkanlegum tíma án þess að horfa á neitt nema klukkuna og veginn bunast þessi sjúkrabíll beint yfir veginn þegar ég ætlaði að ná að nýta mér appelsínugula ljósið en vita þeir ekki að appelsínugult er ekki það sama og rautt??? Það þýðir að ANDSKOTANS umferðin má ennþá keyra SENDA ÞETTA FÓLK AFTUR Í ÖKUSKÓLA!!

Nú svo til að toppa allt þá missti ég af fyrri hálfleik DJÖFULSINS ANSKOTANS VITLEYSA!


mbl.is Var í forgangsakstri
Tilkynna um óviðeigandi tengingu við frétt

Ekki réttlátt

Sem dyggur stuðningsmaður flokksins finnst mér að X-D ætti að fá styrki frá ríkinu til að efla kostningabaráttu sína, enda hart í ári.
mbl.is Samfylking stærst
Tilkynna um óviðeigandi tengingu við frétt

Af hverju þarf það að vera tengt gáfnafari?

Getur ekki verið að þeir sem fá bæði háa einkunn á IQ prófi og framleiða gott sæði geti einfaldlega verið með meira keppnisskap en aðrir? Mikið keppnisskap er tengt miklu magni af karlkynshormónum, sömu hormónunum sem hafa áhrif á sæðisframleiðslu. Keppnisskapið hefur þannig áhrif á metnað mannsins til að fá háa einkunn.

Mér sýnist þetta vera dapurleg aðferð rannsakenda til að gera meira úr gáfnafari sínu en tilefni ber til.


mbl.is Gáfaðir karlmenn framleiða betri sæðisfrumur
Tilkynna um óviðeigandi tengingu við frétt

Nú hefur Herjólfur gengið yfir strikið!

Þetta gengur ekki. Nú er alveg kominn tími á að hætta að reka þennan dall fyrst hann er nú farinn að drepa saklausa hvali. Ég er með góða lausn. Það ætti að setja á neyðarlög sem banna rekstur Herjólfs og flytja neyðarbirgðir til Vestmannaeyja á meðan farið er tafarlaust í framkvæmdir á göngum til eyja. En ekki nein venjuleg göng, heldur upplýst plexíglerkristalsgöng eins og þeir hafa verið að fikta með í Japan. Við getum orðið frumkvöðlar á því sviði og keyrt efnahaginn aftur í gang, enda margir sem myndu borga til að sjá lífríkið á sjávarbotninum í gegnum göngin.
mbl.is Varð hvalurinn fyrir Herjólfi?
Tilkynna um óviðeigandi tengingu við frétt

Lélegt tímakaup

Hvernig nennir fólk að standa í þessum múgæsingi? Segjum að þú kaupir áfengi fyrir 10.000. Á morgun er verðið komið í 10.525 krónur. Þú sparar því heilar 525 krónur. Þarft að eyða hvað svona hálftíma í ríkinu því þú þarft líka að bíða í lengri röð en venjulega. Það þykir mér lélegt tímakaup. Þjóðarsálin metur hamingjuna á 1050kr tímann. Ekki furða að það sé kreppa þegar við erum svona fokking léleg í viðskiptum. 1050kr á tímann er auðvitað bara djók, en þetta sættir fólk sig við, lætur vaða yfir sig.

Svo fer sá sami heim og drekkir sorgum sínum í kreppunni. Eyðir 525 krónum í þynnkuborgara daginn eftir.


mbl.is Örtröð í verslunum ÁTVR
Tilkynna um óviðeigandi tengingu við frétt

Athyglishórur

Svona eru Íslendingar. Nauðgum þeirri litlu athygli sem okkur er gefið. Mjólkum hana til síðasta dropa. Sjálfsdýrkun í efsta veldi.
Mér þykir það mjög hallærislegt að troða krakkanum með mótmælendaspjald fyrir framan myndavélina. Er þetta gert til að fá fólk tyil að hugsa? Vá.. en frumlegt. Eignuðust þið krakka til að misnota þá í áróðursherferðir gegn landi sem var að vernda sína eigin hagsmuni? Svo pota einhverjir gaurar sér fyrir framan myndavélarnar og komast í heimsfréttirnar eins og þeir hafa alltaf þráð. Eiginhagsmunaseggir. Mér finnst ekkert riddaralegt eða föðurlandslegt við þessa hegðun. Barnaskapur.

Íslendingar "get over yourselves".


mbl.is Mótmæli vekja athygli
Tilkynna um óviðeigandi tengingu við frétt

Vísitera ?

Þetta telst varla sem íslenskt orð. Hvernig væri "páfi heimsækir afríku" ? Lagið þetta strax hálfvitar.
mbl.is Páfi vísiterar Afríku
Tilkynna um óviðeigandi tengingu við frétt

Næsta síða »

Um bloggið

Skarphéðinn deilir visku sinni

Höfundur

Skarphéðinn Gunnarsson
Skarphéðinn Gunnarsson
Skarphéðinn heiti ég. Fimmtugur sjálfsstæðismaður með sérstakan áhuga á jeppum.

Bloggvinir

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband